Fikrət Əmirov parkı

Fikrət Əmirov parkında genişmiqyaslı bərpa və abadlıq.

Azərbaycan musiqisinin görkəmli nümayəndəsi, Gəncədə dünyaya gəlmiş böyük bəstəkar Fikrət Əmirovun adını daşıyan park şəhər sakinlərinin sevdikləri məkanlardan biridir. Şəhərdə aparılan böyük bərpa işləri çərçivəsində bu parkda da əhatəli abadlıq tədbirləri görülüb.

Layihə üzrə 8000 kvadrat metrlik əraziyə qazon döşənib, park ərazisində 100 ədəd ağac və 5000 ədəd kol əkilib. Yaşayış binalarının arasında yerləşən park 75 ədəd oturacaqla təmin olunaraq gündəlik istirahət və sosial ünsiyyət üçün daha rahat mühitə çevrilib.

Nəticədə park həm estetik görünüş, həm də funksional istifadə baxımından yenilənmiş və şəhər məkanına əlavə dəyər qazandıran bir ictimai yaşıllıq zonasına çevrilib.